Cymdeithas
Ddawns Werin Cymru
Sefydlwyd
Cymdeithas Ddawns Werin Cymru yn 1949, a gwireddwyd breuddwydion
y pedwar cawr – Lois Blake, Enid Jones, Emrys Clever a
W.S. Gwynn Williams. Roedd dawnsio gwerin bron â diflannu
yng Nghymru erbyn hynny, ar wahan i ddau neu dri o ddawnswyr
clocsiau neu stepio fel Ann Lansan, Nantgarw, ardal Pontypridd
a Hywel Wood a Caradog Pugh ardal y Parc a Llanuwchlyn a’r
Bala. Grym y diwygiadau crefyddol mae’n debyg oedd yn
gyfrifol am hynny. ‘Roedd hi’n bechod i wenu heb
sôn am ddawnsio dan y tanbeidrwydd hwnnw!
Ond diolch i’r drefn death Cymdeiths Ddawns Werin Cymru
i’r adwy mewn pryd ac mewn ychydig dros ddeugain mlynedd
llwyddodd i adennill y ddawns i Gymru. Bu cynnydd aruthrol yn
nifer y dawnswyr, grwpiau, cerddorion, gwyliau a thwmpathau.
Cynyddodd ein gwybodaeth a’n maes gwiethio a death dawnsio
yn ffordd o fyw a’i wreiddiau’n ffynnu a tharddu
o hanes ein gwlad.
Y
prawf o lwyddiant unrhyw grefft yw’r gallu i amlygu’r
grefft honno ochr yn ochr â chrefft gyffelyb o ran arall
o’r byd, ac i’r canlyniad fod yn ffafriol. Hyfrydwch
pur yw tystio i Ddawnsio Gwerin Cymru brofi hyn droeon erbyn
hyn.
Yn
achos Dawnswyr Nantgarw braint i mi yn bersonol, yn ogystal
ag yn rhinwedd fy swyddogaeth, eich llongyfarch am amlygu’r
grefft mor fendigedig a meistrolgar a rhoi Nantgarw a Chymru
ar fap y byd Dawnsio Gwerin.
Diolch
yn ddiffuant i chi am y wyrth Eirlys Britton, eich hyfforddwraig.
ALICE
E. WILLIAMS
(Llywydd Cymdeithas Ddawns Werin Cymru)